ڪراچي ۾ هٿياربندن جي فائرنگ ۾ ايم پي اي اسلم ابڙو جو ڀاءُ ۽ ڀائيٽيو مارجي ويا، 2 ڄڻا زخمي ٿي پيا آهن
ايم پي اي اسلم ابڙو جو ڀاءُ اڪرم ابڙو پنهنجي پٽ شهريار ۽ ٻين سان گڏ گاڏي ۾ ڳوٺ وڃي رهيا هئا ته موٽرسائيڪل سوار هٿياربندن مٿن فائرنگ ڪري ڏني
فائرنگ ۾ اڪرم ابڙو ۽ سندس پٽ شهريار ابڙو ٿڏي تي مارجي ويا، عبدالله ابڙو ۽ ارشاد پنهور زخمي ٿي پيا
ايم پي اي اسلم ابڙو چيو آهي ته اسان جي ڪنهن سان به دشمني نه آهي، منهنجي ڀاءُ ۽ ڀائيٽي کي ٽارگيٽ ڪري قتل ڪيو ويو
منهنجا گهر ڀاتي ٻن گاڏين ۾ جيڪب آباد وڃي رهيا هئا ته 8 جوابدارن حملو ڪيو
ذاتي دشمني هجي ها ته منهنجي سمورن گهر ڀاتين کي قتل ڪيو وڃي ها
ٻئي پاسي ڪراچي ۾ هٿياربندن جي فائرنگ ۾زخمي ٿيل ارشاد پنهور زنده آهي، سندس وارثن جو موقف سامهون اچي ويو آهي
وارثن موقف ڏنو آهي ته پوليس پاران جاري ڪيل خبر غلط آهي، ارشاد پنهور اسپتال ۾ علاج هيٺ آهي، پوليس غلط بياني ڪئي ته ارشاد پنهور دم ڏئي ڇڏيو آهي
هي به پڙهندا
ڪراچي: عوامي ڪالوني ۾ هٿياربندن جي ڦرلٽ، پوليس پهچڻ بعد مقابلو، 2 جوابدار مارجي ويا
