نيوزيلينڊ خلاف ٽي ٽوينٽي هوم سيريز لاءِ 17 رڪني پاڪستاني اسڪواڊ جو اعلان ڪيو ويو آهي
عماد وسيم ۽ محمد عامر ٽيم ۾ شامل، پنج ميچز جي سيريز 18 کان 27 اپريل تائين راولپنڊي ۽ لاهور ۾ کيڏي ويندي
ان سلسلي ۾ ٻڌايو ويو آهي ته نيوزيلينڊ جي ڪرڪيٽ ٽيم 14 اپريل تي پاڪستان پهچندي، بابر اعظم جي قيادت ۾ اعلانيل ٽِيم ۾ 2 نوان رنديگر عثمان خان ۽ عرفان خان نيازي شامل آهن
محمد رضوان، ابرار احمد، افتخار احمد، صائم ايوب، اسامه مير، نسيم شاهه، زمان خان ۽ اعظم خان نيوزيلينڊ خلاف اسڪواڊ جو حصو هوندا
عماد وسيم ۽ محمد عامر جي انٽرنيشنل ڪرڪيٽ مان واپسي ٿيندي، 5 ريزرو رانديگر به هن سيريز ۾ شامل هوندا
سينيئر ٽيم مئنيجر وهاب رياض چيو آهي ته هن سيريز ۾ حارث رئوف انجري سبب شامل نه هوندو، محمد نواز کي ڊراپ ڪيو ويو
وهاب رياض جو چوڻ هو ته اسان ورلڊ ڪپ کي نظڙ ۾ رکندي بهترين ٽيم جي چونڊ ڪئي آهي، ورلڊ ڪپ کان اڳ طئي ڪنداسين ته ڪنهن کي ورلڊ ڪپ اسڪواڊ لءِ سليڪٽ ڪرڻو آهي