نئين دهلي (انٽريسٽنگ نيوز) هندستاني پوليس گذريل 12 سالن کان مڙس جي قيد ۾ رهندڙ عورت کي بازياب ڪرائي ورتو. هندستاني ميڊيا رپورٽ موجب ڪرنٽڪا ميسورو ۾ 12 سالن کان مڙس جي قيد ۾ رهي، عورت مڙس جي ٽين زال هئي
پوليس موجب 20 سالن جي عورت دعويٰ ڪئي آهي ته ان جي مڙس مون کي ڊگهي عرصي لاءِ گهر ۾ واڙيو، ٽوائليٽ لاءِ هڪ ننڍڙو ڊٻو استعمال ڪندي هئي. پوليس موجب بازياب ٿيڻ کانپوءِ عورت مڙس خلاف ڪيس ڪرڻ کان انڪارڪندي پنهنجي والدين جي گهر وڃڻ جو فيصلو ڪيو
عورت هندستاني ميڊيا کي انٽرويو ۾ ٻڌايو ته قيد دوران مڙس مون تي وحشياڻو تشدد ڪندو هو ان دوران علائقي مان ڪنهن به مون لاءِ آواز نه اٿاريو، منهنجا ٻار اسڪول ويندا هئا پر جيستائين منهنجو مڙس ايندو هو ته اهي ٻاهر نه نڪري سگهندا هئا. مڙس چوندو هو ته ٻار اسڪول کان واپس اچن ته انهن کي دري مان کاڌو ڏيندي ڪر
هوڏانهن مقامي پوليس آفيسر جو چوڻ آهي ته عورت صرف ٻن ٽن هفتن کان پنهنجي گهر ۾ قيد هئي، ان دوران کيس ڪيڏانهن به وڃڻ جھي اجازت نه هئي، مڙس ڪم تان موٽي ايندو هو ته زال کي واڙيندو هو.
