پاڪستان تحريڪ انصاف جي سينيئر اڳواڻ شهباز گل کي اسلام آباد مان گرفتار ڪيو ويو آهي
اڳوڻي وفاقي وزير ۽ پي ٽي آءِ اڳواڻ مراد سعيد تصديق ڪئي آهي ته شهباز گل کي گرفتار ڪيو ويو آهي، هن وڌيڪ چيو ته حڪومت بوکلاهٽ جو شڪار آهي
شہباز گل کو گرفتار کر لیا گیا۔ امپورٹڈ حکومت بوکھلاہٹ کا شکار
— Murad Saeed (@MuradSaeedPTI) August 9, 2022
مراد سعيد ٻڌايو ته شهباز گل جي گاڏي جا شيشا به ٽوڙيا ويا آهن ۽ ڊرائيور کي تشدد جو نشانو پڻ بڻايو ويو آهي
پي ٽي آءِ جي مرڪزي اڳواڻ فواد چوڌري ان حوالي سان ٻڌايو ته شهباز گل کي بني گالا چوڪ تان بغير نمبر پليٽ واري گاڏي ۾ سوار ماڻهن اغوا ڪيو آهي
شہباز گل کو بنی گالا چوک سے بغیر نمبر پلیٹ گاڑیوں میں آئے لوگوں نے اغواء کر لیا ہے
— Ch Fawad Hussain (@fawadchaudhry) August 9, 2022
اسلام آباد پوليس جو چوڻ آهي ته شهباز گل خلاف ادارن خلاف بيان بازي ۽ عوام کي ادارن خلاف ڀڙڪائڻ تي بغاوت جو ڪيس داخل ڪيو ويو آهي
ياد رهي ته ته ان کان به شهباز گل کي حراست ۾ ورتو ويو هو، جنهن کي هڪ ڏينهن بعد آزاد ڪيو ويو هو
