حيدرآباد (بيورو رپورٽ) سنڌ هاءِ ڪورٽ سرڪٽ بئنچ پاران سعيدا آباد ۾ مڇي جي تلاءَ جي ليز بابت ڪيس جي ٻڌڻي ٿي، جنهن حوالي سان عدالت پاران طلب ڪرڻ باوجود ايس ايس پي مٽياري ۽ ايس ايڇ او سعيد آباد پيش نه ٿيا، جنهن تي عدالت سخت ڪاوڙ جو اظهار ڪندي ايس ايس پي مٽياري ۽ ايس ايڇ او سعيد آباد کي هٽائڻ جو حڪم ڏئي ڇڏيو، واضح رهي ته گذريل ٻڌڻي وقت عدالت سعيد آباد ۾ مڇي جي تلاءُ تي مبينا طور بااثر ماڻهن جي ونگار وهڻ تي ايس ايس پي ۽ ايس ايڇ او طلب ڪيو هو پر ٻئي اڄ ڄڻا پيش نه ٿيا.
