ممبئي(شوبز نيوز) مشهور اداڪارا عاليا ڀٽ هلندڙ مهيني پنهنجي پهريل هالي ووڊ فلم جي شوٽنگ جي شروعات ڪندي. ميڊيا رپورٽن موجب بالي ووڊ جي سپر اسٽار عاليا هلندڙ سال مارچ ۾ پنهنجي مداحن کي ٻڌايو هو ته هوءَ هالي ووڊ ۾ قدم رکڻ وڃي رهي آهي ۽ هاڻي هن جي پروجيڪٽ جي شوٽنگ جو شيڊيو به اڳيان اچي ويو آهي
اداڪارا مئي جي وچ ۾ پنهنجي پهرين هالي ووڊ فلم “هارٽ آف اسٽون” ۾ ڪم جي شروعات لاءِ برطانيا ويندي. رپورٽ ۾ ٻڌايو ويو آهي ته هوءَ هالي ووڊ اداڪارا گيل گيڊوٽ ۽ اداڪار جيمي ڊومن سان گڏ فلم ۾ جلوا ڏيکاريندي. عاليا ڀٽ پنهنجي نئين ايندڙ بالي ووڊ فلم “روڪي اور راني ڪي پريم ڪهاني” جي شوٽنگ مڪمل ٿيندي ئي برطانيا لاءِ رواني ٿي ويندي
