ايڪتا ڏهاڙي جي آمد کان 2 ڏينهن اڳ ئي سنڌ ايڪتا جي رنگن ۾ رڱجي وئي، سنڌ جي ننڍن وڏن شهرن ۾ ايڪتا ڏهاڙي جي آجيان جون تقريبون زور شور سان جاري آھن
4 ڊسمبر تي ”سنڌ سان درد جو رشتو“ جي سِري هيٺ ايڪتا جو ڏهاڙو ملهايو ويندو، ان حوالي سان سڄي سنڌ ۾ تقريبن جو سلسلو جاري آھي
بدين، ٺٽي، ڀٽ شاهه، ڪوٽڙي ۽ ٻين شهرن ۾ ايڪتا ڏهاڙي جي آجيان جون تقريبون ڪوٺايون ويون، کپرو، سڪرنڊ، گلاب لغاري ۽ گپچاڻي ۾ مچ ڪچهريون ٿيون
هڱورجا ۾ راڳ رنگ جي محفل دوران فنڪارن سر وکيري ماڻھن کي جھومائي ڇڏيو، 4 ڊسمبر تي ايڪتا ڏهاڙو ڀرپور نموني ملهائڻ جو عزم پڻ ورجايو ويو
ايڪتا ڏهاڙي جي لاءِ ٻارڙن به تياريون ڪري ورتيون، لاڙڪاڻي، سکر، سنڌڙي، ميرواهه گورچاڻي، مورو ۽ ٻين اسڪولن ۾ تقريبون ڪوٺايون ويون، اسڪولي شاگردن طرفان ٽيبلوز پيش ڪيا
کپرو ۾ ايڪتا ڏهاڙي جي آجيان لاءِ مچ ڪچهري دوران فنڪارن پاران سرن جي ورکا ڪئي، الغوزي نواز سليم بوزدار ۽ راڳي ديدار علي مري فن جو مظاهرو ڪري واهه واهه ڪرائي ڇڏي
سڪرنڊ ۾ به مچ ڪچهري دوران سگهڙن ادب جا واهڙ وهائي ڇڏيا، فنڪارن سرن جي ورکا ڪري ۽ گيت ٻڌائي واهه واهه ڪرائي ڇڏي