حيدرآباد (ن پ ا) حيدرآباد شهر ۾ ڦرلٽ جون وارداتون روڪڻ لاءِ نئين ايس ايس پي پوليس کي هاف فراءِ فارمولي تي عمل ڪرڻ جو حڪم ڏئي ڇڏيو.
ايس ايس پي جي حڪم تي عمل ڪندي اي سيڪشن ۽ مارڪيٽ پوليس مبينا مقابلن ۾ ٻن ڦورن کي هاف ڪرائي ڪري کين زخمي حالت ۾ گرفتار ڪري ورتو.
اي سيڪشن پوليس جو چوڻ آهي ته آٽو ڀان روڊ تي موٽرسائيڪل سوار شڪي ماڻهن کي روڪڻ جو اشارو ڪيو ويو ته جوابدارن پوليس تي فائرنگ ڪئي، جوابي فائرنگ ۾ هڪ ڦورو علي رضا کي زخمي حالت ۾ گرفتار ڪيو ويو آهي.
مارڪيٽ پوليس جي دعويٰ آهي جوابدار فهيم ويسر کي به مبينا مقابلي ۾ زخمي ڪري سندس قبضي مان ڦر ٿيل موٽرسائيڪل ۽ ٽي ٽي پستول هٿ ڪيو آهي.
جڏهن ته پوليس ذريعن جو چوڻ آهي ته ٻنهي ڄڻن کي گرفتاري کانپوءِ پوليس پاران مختلف هنڌن تي ڄنگهن ۾ گوليون هڻي کين هاف فراءِ ڪيو ويو آهي.
