ڪراچي( اسٽاف رپورٽر) ڪراچي ۾ جنم وٺندڙ 6 جاڙا ٻارڙا فوت ٿي ويا، ان ڏس ۾ جناح اسپتال ۾ ڪالاپل جي رهواسڻ حنا زاهده نارمل ڊليوري ذريعي 6 ٻارن کي جنم ڏنو، ناري جو ويم ڪرائيندڙ گائنا ڪالاجسٽ ڊاڪٽر عائشه وارث جو چوڻ هو ته ڊليوري وقت هڪ ٻار فوت ٿيل ۽ 5 حيات هئا، 3 ڇوڪرن ۽ 2 ڇوڪرين جو وزن 300 کان 350 گرام مس هو، هن ٻڌايو ته حيات ٻارن مان هڪ جناح اسپتال ۾ دم ڏنو، جڏهن ته 2 ٻار جناح اسپتال کان ٻارن جي اسپتال اين آءِ سي ايچ منتقلي دوران فوت ٿي ويا، باقي 2 ٻار اين آءِ سي ايچ ۾ ڊاڪٽر حيات بوزدار جي نگراني هيٺ داخل هئا، جن ڪالهه دم ڌڻي حوالي ڪري ڇڏيو
