نوري آباد (ن پ ا) نوري آباد ۾ برسات جي بيٺل پاڻي ۾ وهنجندي نينگر ٻڏي فوت ٿي ويو. ان ڏس ۾ نوري آباد بادل پيٽروليم پمپ ڀرسان کڏ ۾ گڏ ٿيل برسات جي پاڻي ۾ وهنجندي پندرهن ورهين جو جئه پرڪاش ولد دولت رام ڪلائي ٻڏي ويو، ٽن ڪلاڪن جي ڳولا بعد وارثن ۽ مقامي رهواسين پنهنجي مدد پاڻ نينگر جو پاڻي مان لاش ٽوٻن وسيلي هٿ ڪيو، جئه پرڪاش ٻين نينگرن سان پاڻي ۾ وهنجڻ آيو هو ٻڏي وڃڻ بعد ٻين نينگرن وارثن کي اطلاع ڏنو جنهن بعد کيس جمع ٿيل برسات پاڻي ۾ ڳولا ڪرڻ بعد سندس لاش پاڻي مان ڪڍيو جنهن کي مهراڻ اسپتال ۾ ڊاڪٽرن پاران فوت ٿيڻ جي تصديق ڪئي وئي فوتي نينگر جو مڙه ضروري ڪاروائي بعد وارثن حوالي ڪيو جيڪي سندس آخري رسمن لا۽ ٿاڻو بولاخان کڻائي ويا.