قمبر ( اسپورٽس نيوز) قمبر ۾ سٽي ڪپ ھارڊ بال ٽي ٽوئنٽي ٽورنامينٽ جي ٽئين رائونڊ ۾ ڪنگ اسٽار ڪرڪيٽ ڪلب قمبر ينگ جنون ڪرڪيٽ ڪلب قمبر کي 30 رنز تان شڪست ڏئي ڇڏي. ان سلسلي ۾ ڪنگ اسٽار ڪرڪيٽ ڪلب پھريان بيٽنگ ڪندي مقرر 20 اوورن ۾7 وڪيٽن جي نقصان تي 156رنز ٺاھيون، جنهن جي جواب ۾ ينگ جنون ڪرڪيٽ ڪلب 17 اوورن ۾ 126 رنز ٺاهي پوري ٽيم ڍير ٿي وئي. ڪنگ اسٽار ڪرڪيٽ ڪلب طرفان آصف علي 46 گلاب راءِ 25 رنز ٺاھيون ۽ بھترين بالنگ ڪندي منجنا ۽ گلاب راءِ 3-3 وڪيٽون وٺي پنهنجي ٽيم کي ڪاميابي ڏيارڻ ۾ اھم ڪردار ادا ڪيو.
