باڊھه ( ن پ ا ) شاعري اعليٰ مقصد لاءِ ھڪ ذريعو آھي، اھڙو اظھار سنڌي ادبي سنگت شاخ باڊھه جي گڏجاڻي ۾ نقادن ڪيو، باڊھه س ا س جي هفتيوار دستوري گڏجاڻي ۾ سارنگ امر جي پيش ڪيل غزل تي راءِ ڏيندي ھنن چيو ته عوام سان رابطي ۽ اعليٰ مقصدي پيغام لاءِ ادب بھترين ذريعو آھي، اصل مقصد ظالماڻي سماج کي بدلائڻ آھي يعني عوام تان اميرن جو ظلم لاھڻ، نقادن وڌيڪ چيو ته سنڌ ۾ ضرورت آھي ته اديب پنھنجو اعليٰ مقصد رکن ۽ عوام سان سندن اھڙي ڪمٽمنٽ ھجي جھڙي مارئيءَ جي غريب ماروئڙن سان هئي، ھنن وڌيڪ چيو ته سارنگ مظلومن ۽ پورهيتن لاء شاعري ڪري ۽ ڪالم لکي ٿو ۽ وٽس ڏانءُ به آھي، گڏجاڻي ۾ اقبال کوکر ۽ قربان علي قرب پنھور شريڪ هئا.
