خيرپور (رپورٽر) سنڌ ڪاليج گيمز جا انٽر ڊسٽرڪٽ ڪاليجز جا شاندار مقابلا آخري مرحلي ۾ داخل گورنمينٽ ڪاليج فار وومين خيرپور پاران بخت علي ڏھوٽ ھاڪي اسٽيڊيم لقمان خيرپور ۾ انٽر ڪاليجيٽ گرلز ھاڪي جا مقابلا منعقد ٿي گذريا جنھن جو فائنل گورنمينٽ گرلز ڊگري ڪاليج سکر ۽ گورنمينٽ ڪاليج فار وومين خيرپور جي وچ ۾ ٿيو, جيڪو سخت مقابلي کانپو گورنمينٽ گرلز ڊگري ڪاليج سکر1-0 تان کٽي ورتو. ھن فائنل جو خاص مھمان سنڌ جي وڏي وزير جو مذهبي معاملن ۾ خاص صلاحڪار سيد محمد بچل شاهه جيلاني هو. خطاب ڪندي پير سيد محمد بچل شاهه جيلاني چيو ته سنڌ حڪومت ڪاليجز ۾ ھي پنجون سنڌ ڪاليج گيمز ڪرائي ڪاليجن ۾ پڙھائي سان گڏ راندين کي بـ ھٿي وٺرائي رھي آھي. آخر ۾ مھمان خاص ڪامياب رانديگرياڻين ۾ ڪيش ۽ ٻيا انعام ورھايا.