ٺٽو ( رپورٽر ) ٺٽي ۾ شاعره پروين شاڪر جي سالگره جو ڪيڪ ڪاٽيو ويو، ان موقعي تي ساڃاهه وندن چيو ته پروين شاڪر ترقي پسند لبرل ۽ عورت جي نفيس جذبن ۽ احساسن جي نمائنده شاعره ھئي جڏهن ته ھن وقت ترقي پسند، لبرل ۽ صوفياڻي سوچ ۽ فڪر جي پيروڪارن کي شديد خطرا لاحق آھن. ان لاءِ ضروري آھي ته پاڻ ۾ ايڪو ۽ اتحاد ڪري ملڪ ۾ حقيقي جمهوريت جي قيام ۽ ملڪي اڪائين جي حقن لاءِ جدوجھد تيز ڪئي وڃي. ان ڏس ۾ سنڌ ڪلچرل فورم سنڌ جي باني چيئرمين صادق لاکو ۽ ٻين پريس ڪلب ٺٽي ۾ سنڌ ڪلچرل فورم طرفان بيباڪ شاعره پروين شاڪر جي 70 هين سالگره جي ڪيڪ ڪٽڻ واري تقريب ۾ پروين شاڪر کي ڀيٽا پيش ڪئي. ھن وڌيڪ چيو ته پروين شاڪر عورت ھوندي به مرد ليکڪن کان وڌيڪ بھادر ھوندي ھئي ھن ضيائي آمريت واري گُھٽ ۽ ٻوسٽ واري ماحول۾ به پنھنجي سوچن ۽ خيالن جو برملا اظھار ڪيو،پريس ڪلب ٺٽو جي صدر اقبال جاکروچيو ته پروين شاڪرخوبصورت ۽ نفيس خيالن خاص ڪري عورتن جي نفيس جذبن ۽ احساسن جي نمائنده شاعره هئي جيڪا وقت کان اڳ ۾ اسان کان وڇڙي وئي نه ته اڃان وڌيڪ بھترين شاعري ڏئي ها جڏهن ته سالگره تقريب ۾ سنڌي ادبي سنگت ضلع ٺٽي جي رابطا سيڪريٽري فقير اڪرم مڱڻهار، طارق امر، صاحبڏنو سمون، وھاب شيخ، اسماعيل ميمڻ، خدا بخش بروھي، رحمت اللہ ڇٽو، حيدر شورو، ٻين چيو ت پروين شاڪر جي شاعريءَ ان موقعي تي سالگره جو ڪيڪ پڻ ڪاٽيو ويو.
