سينيٽر اسحاق ڊار چيو آهي ته هو گذريل رات ڏيھه واپس آيو ۽ ڊالر جي قيمت ۾ ڏهه رپيا گهٽتائي ٿي آهي
اڳوڻي ناڻي واري وزير اسحاق ڊار سينيٽ جي رڪنيت جو حلف کڻي ورتو، سينيٽ چيئرمين صادق سنجراڻي کانئس حلف ورتو
بعد ۾ پارليامينٽ ۾ ميڊيا سان ڳالهائيندي اسحاق ڊار چيو ته اسان جي مسئلن ۾ رپئي جي مصنوعي قدر آهي، مهانگائي وڌي وئي آهي ۽ يوٽيلٽي اسٽورن تي اگهه وڌڻ به مسئلن ۾ شامل آهي
هن چيو ته هو گذريل رات پاڪستان پهتو، ڊالر جي قيمت ۾ 10 رپين جو فرق آيو آهي، 24 ڪلاڪن کان به گهٽ عرصي ۾ پاڪستان جو قرض 1350 ارب کان گهٽجي ويو آهي
هن چيو ته 1999ع ۾ ڊالر جو مقرر ڪيل ريٽ مارڪيٽ بيس هو، هتان جا ماڻهو پاڪستاني رپئي کي يرغمال نٿا رکي سگهن، نه ماضي ۾ پاڪستاني رپئي کي يرغمال بڻائڻ جي اجازت ڏني ۽ نه ئي مستقبل ۾ ڏينداسين
اسحاق ڊار چيو ته گذريل بل ۾ وڌيڪ تبديليون اچڻ گهرجن
ھي به پڙھندا
5 سالن بعد ڏيهه پهتل نون ليگي اڳواڻ اسحاق ڊار سينيٽر طور حلف کڻي ورتو
اسحاق ڊار ڊيل ڪري ڏيهه پهتو آهي، هاڻي وري ناڻي جو وزير ٿيندو: عمران خان