ڪراچي(ڪامرس ڊيسڪ) اٽي، ۽ مرغي کانپوءِ گيهه ۽ کاڄرو تيل جي بحران جو خدشو، ان ڏس ۾ ورتل جائزي موجب هن وقت ملڪي آئل ملن وٽ گيهه ۽ تيل جا رڳو هڪ مهيني جا ذخيرا بچيا آهن ، جڏهن ته ماهه رمضان اچڻ شرط گيهه ۽ کاڄرو تيل جي گهرج ۾ پڻ 20 کان 30 سيڪڙو اضافو ٿي ويندو آهي، بينڪن طرفان ليٽر آفي ڪريڊٽ نه کولڻ ۽ بندرگاهه تي پهتل سامان جي ڪليئرنس نه ٿيڻ ڪري گيهه ٺاهيندڙ ڪمپنيون پريشان آهن، ان ڏس ۾ پاڪستان وناسپتي ايسوسيشئن جي جنرل سيڪريٽري عمر اسلم جو چوڻ هو ته روغني تيل جو اگهه 13 مان وڌي 14 هزار مائونڊ ٿي ويو آهي، مٿان وري 3 لک 58 هزار ٽن ڪليئرنس ۾ ڦاٿل آهي، پورٽ قاسم ۽ ڪراچي پورٽ تي بيٺل 10جهازن ۾ پوڻا 2 لک ٽن مال پيل آ هي، سرڪار تڪڙا پاءَ نه ورتا ته تيل جي اگهه ۾ في لٽر تي 50 کان 75 رپيا واڌ ٿي سگهي ٿي
