اسلام آباد: وزير اعظم عمران خان سيالڪوٽ ۾ سريلنڪن فيڪٽري مينيجر کي تشدد بعد قتل ڪري سندس لاش کي باهه ڏئي ساڙڻ واري واقعي کي انتهائي خوفناڪ قرار ڏيندي چيو آهي ته واقعي جي ذميوارن کي نه بخشيو ويندو. پنهنجي هڪ بيان ۾ وزيراعظم چيو ته اڄوڪو ڏينهن ملڪ لاءِ شرم جو ڏينهن آهي، هن چيو ته آئون سموري جاچ جي نگراني ڪري رهيو آهيان، گرفتاريون جاري آهن، واقعي ۾ جيڪي ماڻهو ملوث آهن تن کي قانون موجب سخت سزائون ڏنيون وينديون.
