کپرو (ن پ ا) کپرو ۾ جي ڊي اي ۽ اتحادين بلدياتي چونڊن ۾ آر او ۽ ڊي آر او جي مقرري تي اعتراض واري ڇڏيو آهي، سندن چوڻ آهي ته پولنگ اسٽيشنون تبديل ڪري ڏورانهن علائقن ۾ رکيون ويون آهن، ان ڏس ۾ ڊي اي اڳواڻن خدا بخش درس، يوسف قائمخاني ۽ پي ٽي آءِ اڳواڻن امان الله درس، اسلم جٽ ۽ ٻين پريس ڪانفرنس ڪندي چيو ته سانگهڙ ضلعي ۾ مقرر رٽرننگ ۽ ڊپٽي رٽرننگ آفيسر پ پ جي ونگار وهي رهيا آهن، جن 2018ع واريون پولنگ اسٽيشنون تبديل ڪري اصل يوسيز بدران ڏورانهن علائقن ۾ رکيون آهن جيڪا ڌانڌلي جي شروعات آهي
هنن چيو ته اهڙي عمل سان ووٽرن کي سخت گرميءَ ۾ پولنگ اسٽيشن تي پهچڻ ۾ سخت تڪليف ٿيندي
هنن چيو ته مخالف اسان جي ووٽرن کي پولنگ تائين پهچڻ ۾ رڪاوٽون وجهندا ۽ مختلف طريقن سان هراسان ڪندا
هنن مطالبو ڪيو ته پولنگ اسٽيشنز جي غيرقانوني ھيرڦير جو نوٽيس وٺي چونڊن واري ڏينهن رينجرز مقرر ڪئي وڃي