اسلام آباد (ويب ڊيسڪ) وفاقي گهرو وزير رانا ثناءُالله چيو آهي ته 499مان رڳو 6ڪيس امڪاني طور ملٽري ڪورٽ ۾ هلي سگهن ٿا
پريس ڪانفرنس ڪندي گهرو وزير چيو ته پنجاب مان رڳو 19 ۽ ڪي پي مان 14جوابدارن کي ملٽري اختيارين حوالي ڪيو ويو آهي
گهرو وزير چيو ته 9مئي واقعن تي مجموعي طور 499 ايف آءِ آرز داخل آهن جن ۾ 5 هزار کان وڌيڪ ماڻهن کي گرفتار ڪيو ويو آهي
اي ٽي اي جي ڪيسن ۾ 3944 ماڻهن کي گرفتار ڪيو ويو ۽ 88 دهشتگردي ٽوڙي ايڪٽ تحت ڪيس داخل ڪيا ويا آهن
Black day.. May,9,2023.. caused the biggest damage of the property of our defense authority in the history of Pakistan. #PTI_Terrorist_Organization has renowned as not even the handler of TTP but all terrorists groups ,all over the world.#SayNoTo9thMay @OfficialDGISPR pic.twitter.com/fIXNNIy8XC
— Alexandrite (@Fighter786T) May 17, 2023
گهرو وزير چيو ته اعتراض اٿاريو پيو وڃي ته ملٽري ايڪٽ سولين تي لاڳو ٿي رهيو آهي، فوجي ملڪيتن تي حملا ڪندڙن، موڪليندڙن ۽ مدد ڪندڙن تي ملٽري ايڪٽ لڳندو
آفيشل سيڪريٽ ايڪٽ ۽ ملٽري ايڪٽ اتي لاڳو ٿئي ٿو جتي دفاع بابت هنڌ هجي جڏهن ته جناح هائوس ڪور ڪمانڊر رهائشگاهه ۽ ڪيمپ هائوس هو
ڪور ڪمانڊر هائوس ۾ تمام حساس شيون موجود هيون اتان کنيل شيون جيڪڏهن ڪنهن پاڙيسري ملڪ کان استعمال ٿي وڃي ته ڇا اهو سياسي احتجاج هوندو
گهرو وزير چيو ته قوم فتني کي نه سڃاتو ته هي فتنو قوم کي خطري ۾ وجهي ڇڏيندو عمران سال کان نفرت جي سياست ڪري رهيو آهي
نفرت جي سياست ۾ 25مئي تي اسلام آباد تي حملو ڪرڻو هو هڪ پروگرام تحت ماڻهن کي پيٽرول بم ٺاهڻ جي تربيت ڏني وئي
