حيدرآباد: غريب آباد واري علائقي ۾ گئس ليڪ ٿيڻ سبب گهر کي باهه لڳي وئي، فوتين جو انگ پنج ٿي ويو آھي
گهر کي باهه لڳڻ سبب سڙي زخمين ٿيلن مان وڌيڪ 4 گهرڀاتي فوت ٿي ويا، فوتين جو انگ 5 ٿي ويو
گذريل ڏينهن پئرا ميڊيڪل ايسوسيئيشن جي جنرل سيڪريٽري روي تنبولي جي گهر ۾ باهه ڀڙڪي پئي هئي
پئرا ميڊيڪل اڳواڻ روي تنبولي جي والدين ۽ ڀيڻ سميت 4 ڄڻا اڄ فوت ٿيا ۽ هڪ عورت رات دم ڏنو
فوتين ۾ رتن تنبولي، سندس زال ساوتري، سندن ڌيءَ ۽ معصوم ڏوهٽي شامل، 8 زخمين جو علاج هلندڙ آھي، فوتي رتن تنبولي جي ننهن اوشا گذريل رات دم ڏئي ڇڏيو هو
ان سلسلي ۾ فوتين جي وارثن موجب پنجن ئي فوتين جا مڙهه ڪراچي کان حيدرآباد منتقل ڪيا پيا وڃن، ھڪ ئي گھر جا پنج ڄڻا فوت ٿيڻ بعد علائقي ۾ ڏک واري لھر آھي