واشنگٽن(م ڊ) آمريڪي صدر جوبائيڊن ۽ سندس زال مسلمانن کي رمضان جو مهينو اچڻ تي مبارڪون ڏنيون آهن. هنن پيغام ۾ چيو ته آئون ۽ منهنجي زال آمريڪا ۽ پوري دنيا ۾ رهندڙ مسلمانن کي رمضان شريف جي اچڻ تي دل جي گهراين سان مبارڪباد پيش ڪريون ٿا. آمريڪي صدر جو چوڻ هو ته آمريڪا ۾ ترسيل مسلمان پنهنجو پهريون روزو اڄ افطار ڪندا پر اسان کي اهو نه وسارڻ گهرجي ته هي سال ڪيترو ڏکيو رهيو، وبا جي ڪري اسان پنهنجن دوستن ۽ پيارن سان ڪا خوشي نٿا ملهائي سگهو، جڏهن ته ڪيترائي خاندان پنهنجن پيارن کانسواءِ روزو افطار ڪندا، ان باوجود مسلمان هن مقدس مهيني کي نئين اميدن سان شروع ڪندا.
