ڪراچي جي عدالت ڊاڪٽر عامر لياقت جي مڙهه جو پوسٽ مارٽم ڪرڻ جو حڪم ڏئي ڇڏيو آهي
عدالت شهري جي درخواست تي ڌُرين جا دليل ٻڌڻ بعد محفوظ ڪيل فيصلو جاري ڪري ڇڏيو آهي
جڊيشل ماجسٽريٽ اوڀر جي عدالت لکت ۾ تفصيلي فيصلو جاري ڪندي چيو آهي ته وارثن جو موقف آهي ته پوسٽ مارٽم سان عامر لياقت جي قبر جي بي حرمتي ٿيندي
عدالت چيو ته ڪو شڪ ناهي ته عامر لياقت جا وارث قبر جا وارث آهن، پر جڏهن موت شڪي هجي ۽ ڏوهه جو به خدشو هجي ته انصاف جي نظام کي حرڪت ۾ اچڻ گهرجي، شڪ شبهن جي خاتمي لاءِ پوسٽ مارٽم اڻٽر آهي
عدالت قبر ڪشائي ۽ ميڊيڪل بورڊ جوڙڻ جو حڪم ڏئي ڇڏيو، 9 جون تي ڊاڪٽر عامر لياقت جو لاش سندس ڪراچي واري گهر مان هٿ آيو هو
