ڪراچي: سنڌ حڪومت پاران سيڪريٽري سطح جي ڪامورن جون مقرريون بدليون ڪيون ويون آهن. ايم ڊي سيپرا رياض سومرو کي بدلي ڪري سيڪريٽري آءِ سي مقرر ڪيو ويو آهي جڏهن ته رفيق ٻرڙو کي اطلاعات کاتي مان بدلي ڪري روينيو جي ليگل ونگ ۾ مقرر ڪيو ويو. جنرل ايڊمنسٽريشن کاتي جي سيڪريٽري نسيم غني سهتو کي هٽائي رپورٽ ڪرڻ جو حڪم ڏنو ويو آهي ۽ ايڪسائيز کاتي جي سيڪريٽري اعجاز ميمڻ کي بدلي ڪري ايم ڊي سيپرا مقرر ڪيو ويو. عبدالرحيم شيخ کي سيڪريٽري ايڪسائيز جڏهن ته تازو 20هين گريڊ ۾ ترقي ماڻيندڙ حنيف چنا کي سيڪريٽري جنرل ايڊمنسٽريشن مقرر ڪيو ويو. پوسٽنگ جي انتظار ۾ ويٺل ڪامورو ذوالفقار شالواڻي صوبائي محتسب جو ڊائريڪٽر جنرل مقرر ڪيو ويو. ڊائريڪٽر اينٽي ڪرپشن عثمان غني صديقي جون خدمتون بلوچستان سرڪار حوالي
ڪري ايم ڊي سائيٽ شهزاد فضل عباسي کي بدلي ڪري ڊائريڪٽر اينٽي ڪرپشن اسٽبلشمينٽ مقرر ڪيو ويو آهي.
