اڳوڻي وزيراعظم شاهد خاقان عباسي اي سي ايل مان نالو ڪڍرائڻ لاءِ سنڌ هاءِ ڪورٽ سان رجوع ڪري ورتو
شاهد خاقان عباسي سنڌ هاءِ ڪورٽ ۾ درخواست داخل ڪرائي ڇڏي، شاهد خاقان جي وڪيل خواجا نويد چيو ته پي ايس او ۾ غير قانوني ڀرتين واري ريفرنس ۾ شاهد خاقان گرفتاري کان اڳ واري ضمانت حاصل ڪئي هئي
سنڌ هاءِ ڪورٽ گرفتاري کان اڳ ضمانت دوران شاهد خاقان جو نالو اي سي ايل ۾ شامل ڪرڻ جو حڪم ڏنو هو
احتساب عدالت ۾ پيشي جي موقعي تي شاهد خاقان ۽ سنڌ اسيمبلي جي اڳوڻي اسپيڪر آغا سراج دراني وچ ۾ مختصر ملاقات به ٿي
شاهد خاقان چيو ته شهيد ذوالفقار علي ڀٽو کي ڦاهي اچي وئي هاڻي انصاف ڪنهن سان ٿيندو، 9 سالن کان عدالتن جا چڪر ڪاٽي رهيو آهيان، اڳوڻي وزيراعظم کي انصاف نه ملي ته عام ماڻهوءَ جو ڇا ٿيندو
