ٽنڊوالھيار (ن پ ا) ٽنڊوالهيار جِي سرڪاري اسپتال ۾ مريضن کان علاج جا پيسا وٺڻ جو انڪشاف، ٽائيم نيوز وڊيو هٿ ڪري ورتي، سول اسپتال جَي ايمرجنسي وارڊ ۾ في مريض کان علاج جِي هڪ سئو رپيا فيس ورتي پئي وڃي، وڊيو ۾ اسپتال جو ملازم حفيظ احمد مريض کان هڪ سئو رپيا وٺندي نظر اچي ٿو، ذريعن موجب سرڪاري اسپتال ۾ غريبن کان مفت ٽيسٽن جا به پيسا اوڳاڙيا ويندا آهن، شهرين پاران غريبن کي ڦريندڙ اسپتال جَي عملي خلاف سخت ڪارروائي جو مطالبو ڪيو ويو آھي.
