آءِ سي ٽي ٽوئنٽي ورلڊ ڪپ جي پهرئين سيمي فائنل ۾ نيوزيلينڊ پاڪستان کي کٽڻ لاءِ 153 رنسن جو ٽارگيٽ ڏنو آهي
سڊني ڪرڪيٽ گرائونڊ ۾ نيوزيلينڊ جي ڪپتان ڪين وليمسن ٽاس کٽي بيٽنگ جو فيصلو ڪيو ۽ مقرر 20 اوورن ۾ 152 رنسون ٺاهيون
15ٽي ٽوئنٽي ميچن کانپوءِ بابر اعظم ۽ محمد رضوان 100 رنسن جي اوپننگ اسٽينڊ فراهم ڪئي، ٻنهي اوپنرز انگلينڊ خلاف هوم سيريز جي ٻي ٽي ٽوئنٽي ۾ سئو رنسن جي پارٽنرشپ قائم ڪئي هئي، بابر اعظم 53 رنز ٺاهي آئوٽ ٿي ويو آهي
نيوزيلينڊ جي اننگز
نيوزيلينڊ اوپنر فن ايلن 4، ڊيون ڪنوي 21، ڪين وليمسن 46، گلين فلپس 6 رنسون ٺاهي آئوٽ ٿيا، ڊيرل مچل 53 ۽ جيمز نيشام 16 رنسون ٺاهي ناٽ آئوٽ ٿي ويا، پاڪستان طرفان شاهين شاهه آفريدي 2 ۽ نواز هڪ وڪيٽ ورتي
پاڪستاني ٽيم
سيمي فائنل لاءِ پاڪستاني ٽيم ۾ بابر اعظم(ڪپتان) شاداب خان، محمد رضوان، شان مسعود، افتخار احمد، محمد حارث، محمد نواز، محمد وسيم جونيئر، شاهين شاهه آفريدي، نسيم شاهه ۽ حارث رئوف شامل آهن
نيوزيلينڊ ٽيم
نيوزيلينڊ ٽيم ۾ ڪپتان ڪين وليمسن، فن ايلن، ڊيرل مچل، گلين فلپس، ڊيون ڪنوي، ٽرينٽ بولٽ، ٽم سائوٿ، لاڪي فرگوسن، جمي نيشام، مچل سينٽنر ۽ ايش سوڌي شامل آهن
ورلڊ ڪپ ۾ ٻنهي ٽيمن وچ ۾ هيل تائين 6 ميچون کيڏيون ويون آهن، جن مان پاڪستان 4 ۽ نيوزيلينڊ ٻن ۾ ڪاميابي حاصل ڪئي آهي
ھي به پڙھندا