بشام ۾ چيني انجنيئرز تي حملي بابت خيبرپختونخوا پوليس ٻي رپورٽ وفاق کي موڪلي ڇڏي
ڪي پي پوليس جي رپورٽ موجب ابتدائي جاچ جي بنياد تي ظاهري طور لڳي ٿو ته چيني شهرين کي کڻي ويندڙ گاڏي بلٽ پروف ۽ بم پروف نه هئي
پوليس رپورٽ موجب مارجي ويل چيني شهرين ۾ هڪ عورت انجنيئر به شامل هئي، واقعي واري هنڌ جي فضائي تصوير به حاصل ڪئي وئي
بشام ٿاڻو 6 ڪلوميٽر ۽ داسو ڊيم 77 ڪلوميٽر واقعي واري هنڌ کان پري آهي، تباهه ٿيل بس ٻي بس کان 15 فٽ جي فاصلي تي هئي ۽ آپگهاتي ڌماڪي سان بس 300 فٽ اونهائي ۾ وڃي ڪري
ڪي پي پوليس رپورٽ موجب چيني قافلي ۾ شامل سمورين بسن ۾ سي سي ٽي وي ڪئميرا نصب هيون، آپگهاتي بمبار جي استعمال هيٺ گاڏيءَ جا ٽڪڙا حاصل ڪيا ويا
ٻه هفتا اڳ بشام ۾ چيني انجنيئرز جي گاڏيءَ تي ٿيل آپگهاتي حملي ۾ عورت سوڌو 6 چيني شهري مارجي ويا هئا
