ڪراچي (ڊيسڪ رپورٽ) گوجرا جي ويجھو فيصل آباد موٽر وي تي ڪار ۾ ڇوڪري سان مبينا زيادتي ڪيس ۾ اھم انڪشاف سامھون آيا آھن
پوليس موجب واقعي جو ڪيس 11 آڪٽوبر تي ڇوڪري جي ماسي جي مديعت ۾ داخل ڪيو ويو، جنھن بعد مک جوابدار سوڌو 2 جوابدارن کي گرفتار ڪيو ويو آھي
پوليس جو چوڻ آھي تھ واقعي ۾ استعمال ٿيل گاڏي بھ قبضي ۾ ورتي وئي آھي، پوليس موجب جوابدار شروعاتي بيان ۾ ٻڌايو آھي تھ ڇوڪري سان 15 ڏينھن اڳ موبائيل فون تي دوستي ٿي ھئي، واقعي ڏينھن ھو ڇوڪري ۽ ان جي دوست کي ان جي فرمائش تي فيصل آباد ڇڏڻ ويو ھو
ڊي ايس پي گوجرا جو چوڻ آھي تھ جيو فرانزڪ ۾ جوابدار ۽ متاثر ڇوڪري جي وچ ۾ موبائيل فون رابطن جي تصديق ٿي آھي، ڇوڪري جوابدار کي پنھنجون تصويرون بھ موڪليون ھيون، ڇوڪري جو مستقل پتو نھ آھي ۽ ڪال ڊيٽا رڪارڊ تان بھ ان جي پوزيشن ملتان، فيصل آباد ۽ ٽوبا ٽيڪ سنگھ معلوم ٿئي ٿي
پوليس جو چوڻ آھي تھ ڇوڪري کي جاچ لاءِٰ گھرايو ويو آھي، پر ھوءَ جاچ ۾ شامل ناھي ٿي، وڌيڪ جاچ جاري آھي.
