ڀٽ شاهه (ن پ ا) ڀٽ شاهه ڀرسان ڳوٺ ميوو ساهووال جي پرائمري اسڪول کي ڳوٺاڻن مال جي وٿاڻ ۾ تبديل ڪري ڇڏيو، انتظاميه اک نه پٽي
بااثر ڳوٺاڻن اسڪول ۾ گڏهه، مينهون ۽ ٻڪريون ٻڌي ڇڏيون، جڏهن ته اسڪول جي عمارت به زبون حال بڻجي وئي، جنهن ڪري ٻارڙن جي تعليم سخت متاثر ٿيڻ لڳي
ڳوٺاڻن ۽ معصوم شاگردن دانهيندي چيو ته 200 کان وڌيڪ شاگرد آهن ۽ اسڪول بند هجڻ ڪري مال جو واڙو ٺاهيوويو آهي
هنن چيو ته اسڪول جي عمارت به زبون حال آهي ۽ هڪ استاد مقرر آهي، اسڪول ۾ گڏهه ۽ چوپايو مال ٻڌل آهي ڪير نوٽيس وٺڻ لاءِ تيار نه آهي
هنن مطالبو ڪيو ته تعليم کاتي جو صوبائي وزير فوري نوٽيس وٺي ۽ معصوم شاگردن جو مستقبل بچايو وڃي