لاڙڪاڻو (ن پ ا) لاڙڪاڻي شهر جي حيدري ٿاڻي جي حد ۾ گذريل رات دير سان صيفل ڪالوني ۾ جوابدار گوليون هڻي 55 ورهين جي پيرسن محراب ولد گل محمد چانڊيو کي قتل ڪري ڇڏيو
اهڙي اطلاع تي حد جي ٿاڻي جي پوليس پهچي واقعي بعد تفصيل وٺي مقتول جو لاش کڻائي چانڊڪا اسپتال منتقل ڪيو
مقتول جي ڀيڻ ارشاد خاتون چانڊيو ٻڌايو ته منهنجو ڀاءُ ڪيترن سالن کان راحب وٽ ترسيل هو جيڪو ريڙهو هلائي پيٽ گذر ڪندو هو جنهن کي راحب چانڊيو گوليون هڻي قتل ڪري فرار ٿي ويو آهي، ڀاءُ جي قاتل کي گرفتار ڪري انصاف فراهم ڪيو وڃي
