وزارت عظميٰ جي لاءِ ميدان ۾ لٿل ميان شهباز شريف ۽ عمر ايوب جا نامزدگي ڪاغذ منظور ڪيا ويا آهن
سڀاڻي قومي اسيمبلي ۾ ملڪ جي نئين وزيراعظم جي چونڊ لاءِ ووٽنگ ٿيندي، نوازليگ ۽ اتحادي جماعتن پاران نامزد اميدوار شهباز شريف جا اڄ نامزدگي فارم جمع ڪرايا ويا
اسحاق ڊار، خورشيد شاهه، طارق بشير چيما، عون چوڌري ۽ خواجا آصف پاران قومي اسيمبلي جي سيڪريٽريٽ ۾ شهباز شريف جا نامزدگي فارم جمع ڪرايا ويا
سني اتحاد ڪائونسل پاران به عمر ايوب جا نامزدگي ڪاغذ اسد قيصر، بئرسٽر گوهر، علي محمد خان ۽ عامر ڊوگر جمع ڪرايا، گذريل ڏينهن وزيراعظم جي چونڊ جو شيڊول جاري ڪيو ويو هو
