گذريل حڪومت تي تنقيد جا تير هلائيندڙ شهباز حڪومت پاڻ به اُنهن جي رستي تي هلندي عوام جو جيئڻ تنگ ڪرڻ وارا فيصلا شروع ڪري ڇڏيا آهن
حڪومتي دعوائن اُبتڙ يوٽيلٽي اسٽورز تي اٽي کانپوءِ کاڄرو تيل ۽ گيهه جي اگهن ۾ ڳاٽي ٽوڙ واڌ ڪئي وئي آھي، مختلف ڪمپنيز جي گيهه جو 5 ڪلو وارو دٻو 550 کان 1155 رُپيا مهانگو ٿي ويو
پنج لِٽر کاڄرو تيل جي اگهن ۾ 545 کان 982 رُپيا واڌ ڪئي وئي آهي، جڏهن ته کاڄرو تيل ۽ گيهه جا وڌايل اگهه اڄ کان لاڳو ٿي ويا
وفاقي حڪومت دعويٰ ڪئي ته يوٽيلٽي اسٽورز تي اٽي جي 20 ڪلو ٿيلهي جو اگهه 950 رُپين مان گهٽائي 800 ڪيو ويو آهي
کنڊ جو اگهه 85 مان گهٽائي 70 رُپيا في ڪلو ڪيو ويو، في ڪلو گيهه تي به هڪ سئو رُپيا سبسڊي ڏيڻ جي دعويٰ ڪئي وئي آهي
