غزه: غزه تي اسرائيلي بمباري ۾ وڌيڪ 133 فلسطيني شهيد ٿي ويا، سوين زخمي ٿي پيا
شهيد ٿيل فلسطينين جو انگ 18 هزار کان وڌي ويو، اسرائيل چڪرين دوران 2 آفيسرن سميت 4 اسرائيلي فوجين جي مارجي وڃڻ جي تصديق ڪري ڇڏي آهي
غزه تي اسرائيلي حملن ۾ تيزي اچڻ کانپوءِ خوراڪ جو بدترين بحران پيدا ٿي ويو آهي، شهر جي اڪثر علائقن تائين خوراڪ ۽ ٻي امداد جي رسائي ناممڪن بڻيل آهي
خوراڪ جي عالمي اداري جو چوڻ آهي ته غزه جا 36 سيڪڙو خاندان فاقا ڪاٽڻ لاءِ مجبور آهن، متاثر خاندانن تي جلد خوراڪ پهچائڻ جي اپيل ڪئي وئي آهي
نگران وزيراعظم انوار الحق ڪاڪڙ انساني حقن جي عالمي ڏينهن تي پنهنجي پيغام ۾ چيو آهي ته اسرائيل غزه ۾ انساني حقن جون سنگين ڀڃڪڙيون ڪري رهيو آهي، فلسطين ۾ عورتن ۽ ٻارڙن سميت هزارين شهري شهيد ٿي چڪا آهن، عالمي برادري غزه ۾ فوري جنگبندي يقيني بڻائڻ لاءِ ڪردار ادا ڪري)
نگران وزيراعظم چيو ته عالمي برادري ڪشميرين جي حقن جي بحاليءَ لاءِ به پنهنجو ڪردار ادا ڪري ۽ ڀارت تي اثررسوخ استعمال ڪري، پاڪستان انساني حقن جي عالمي منشور جي حمايت ۽ پاسداري جاري رکندو
