اسلام آباد (بيورو رپورٽ) پي ٽي آءِ اڳواڻ ۽ اڳوڻي وفاقي وزير اسد عمر چيو آهي ته اسان ڪڏهن به سپريم ڪورٽ تي حملو ناهي ڪرايو ۽ نه ئي ڪنهن جج کي هٽائڻ جي ڪوشش ڪئي آهي
اسلام آباد ۾ ميڊيا سان ڳالهائيندي اسد عمر چيو ته مفتاح اسماعيل شڪايت ڪئي ۽ چيو ته رڪارڊ خسارو ٿي ويو، مفتاح هاڻي ئي تنهنجون ٽنگيون ڏڪي رهيون آهن، هي تنهنجي وس جي ڳالهه ناهي، امپورٽڊ حڪومت جي لاءِ مامرا هلائڻ ڏکيو آهي
هن چيو ته جڏهن اسان جي حڪومت آئي ته 2.1 ارب ڊالر جو يعني 4 ڀيرا وڌيڪ خسارو مليو، هڪ مهينو اڳ تائين پرڏيهي مٽا سٽا جا ذخيرا رڪارڊ سطح تي هئا، هاڻ رڳو 4 هفتن ۾ پرڏيهي مٽاسٽا جا ذخيرا گهٽجي ويا آهن، پاڪستان جي معيشت کي هڪ هفتي ۾ سخت نقصان ٿيو آهي، اسان ذرا ذرا گڏ ڪري پرڏيهي مٽاسٽا جي ذخيرن ۾ اضافو ڪيو هو
اسد عمر چيو ته هي حڪومت ڪم نٿي هلي سگهي، اچو پاڪستانين وٽ هلون ۽ چونڊون ڪرايون وڃن
هن وڌيڪ چيو ته اليڪشن ڪميشن جانبدار نظر اچي رهيو آهي، اسان فنڊنگ جا سمورا تفصيل جمع ڪرائي ڇڏيا آهن، روزاني ٻڌڻي جي فيصلي خلاف اسان انٽرا ڪورٽ اپيل داخل ڪئي آهي، ٻي درخواست اليڪشن ڪميشن جي امتيازي رويي جي خلاف آهي، هن چيو ته اليڪشن ڪميشن هڪ غير جانبدار ناهي رهيو، عمران خان غير جانبدار اليڪشن ڪميشن جي مقرري ڪئي هئي، اسان اليڪشن ڪميشن تي هڪ هفتي کان نه تمام گهڻو اڳ کان اعتراض اٿاري رهيا آهيون
ھي به پڙھندا
 پي ٽي آءِ اڳواڻ ۽ اڳوڻي وفاقي وزير اسد عمر چيو آهي ته اسان ڪڏهن به سپريم ڪورٽ تي حملو ناهي ڪرايو){kind=link}