اسلام آباد: وزيراعظم شهباز شريف چيو آهي ته صدر کي ڪهڙي تڪڙ آهي جو خط اُماڻي ڇڏيو، وزيراعظم طور مون وٽ 8 ڏينهن آهن، نگران وزيراعظم جي مقرري تائين آئون عهدي تي رهندس، صدر کي خط لکڻ کان اڳ آئين پڙهڻ گهرجي
نگران وزيراعظم جي مقرري بابت صدر جي خط تي ردعمل ۾ وزيراعظم چيو ته ڪجهه ججز پارليامينٽ سان ٽڪراءُ ۾ آيا، مقننه کي قانونسازي جو پورو اختيار آهي، مون تاريخ ۾ ڪڏهن ناهي ڏٺو ته قانون تي عملدرآمد روڪيو وڃي
هن چيو ته پي ٽي آءِ چيئرمين ملڪ ۾ تباهي آندي، 9 مئي ملڪي تاريخ جو ڪارو ڏينهن هو، 9 مئي جا واقعا رياست، فوج ۽ سپهه سالار خلاف بغاوت هئا
وزيراعظم شهباز شريف پاران اتحادي پارٽين جي مانُ ۾ ڊنر ڏنو ويو، بلاول ڀٽو زرداري، مولانا فضل الرحمان، اختر مينگل، خالد مقبول ۽ ٻين اڳواڻن ڊنر ۾ شرڪت ڪئي
ذريعن موجب وزيراعظم شهباز شريف اتحادين سان نگران سيٽ اپ تي مشاورت ڪري رهيو آهي، وزيراعظم اتحادين کي نگران وزيراعظم جي معاملي تي به اعتماد ۾ وٺندو
