ڪراچي(م ڊ) پاڪستان ڀارت ۾ ايٽمي مواد جي چوري جي تازه ترين واقعن تي ڳڻتي جو اظهار ڪندي جاچ جو مطالبو ڪيو آهي.
پرڏيهي کاتي جي ترجمان زاهد حفيظ چوڌري جو چوڻ آهي ته ڀارت ۾ ٻن ماڻهن کي تابڪاري مواد ڪيليفورنيم رکڻ جي الزام ۾ گرفتار ڪيو ويو آهي.
هن چيو آهي ته ڪيليفورنيم سخت تابڪاري اثر رکڻ وارو زهريلو مواد آهي، ڀارت ۾ تابڪاري مواد جي چوري جو 4 مهينن ۾ هي ٽيون واقعو آهي، هلندڙ سال مئي ۽ جون ۾ به ڀارت ۾ لاڳيتون 6 ۽ 7 ڪلو يورينيم پڪڙيو ويو هو.
پرڏيهي کاتي جي ترجمان جو چوڻ آهي ته پاڪستان ڀارت ۾ تابڪاري مواد جي چوري جي جاچ جو مطالبو ڪري ٿو.
