ڪراچي انتظاميا نئين سال جي آجيان جي موقعي تي ٻن ڏينهن لاءِ موٽرسائيڪل جي ٻيلهه سواري تي پابندي هڻي ڇڏي
ڪمشنر ڪراچي جو چوڻ آهي ته پابندي جي ڀڃڪڙي ڪندڙن خلاف ڪارروائي ٿيندي، ڪراچي ۾ سي ويو ڏانهن ويندڙ رستا کليل رهندا
ڊي آءِ جي سائوٿ عرفان بلوچ چيو آهي ته سنڌ سرڪار جي پاليسي تحت سي ويو ڏانهن ويندڙ رستا بند نه ڪيا ويندا، سي ويو ڏانهن ويندڙ ٽريفڪ کي ون وي ڪيو ويندو
شهري خيابان شاهين ۽ اولڊ ڪلفٽن جي رستن سان سي ويو وڃي سگهندا، سي ويو جي ٻنهي روڊن کي رڳو وڃڻ لاءِ استعمال ڪيو ويندو
صبا اوينيو جي پاسي کان سي ويو ڏانهن ويندڙ ننڍا رستا بند ڪيا ويندا، شهري دو دريا يا خيابان اتحاد جي رستي سي ويو مان ٻاهر نڪري سگهندا، سي ويو جي سروس لين ۾ پارڪنگ جي اجازت نه هوندي
