ڪراچي (اسٽاف رپورٽر ) ڪراچي جي اسپتال ۾ فوتي ٻارڙي کي وينٽيليٽر ۾ رکي وارثن کان پئسا اوڳاڙڻ واري ويڊيو وائرل ٿي وئي، ويڊيو ۾ ٻارڙي جي پيءُ پاران ڊاڪٽرن مٿان الزام لڳايو پيو وڃي ته سندس فوت ٿيل ٻار لاءِ به رت جون بوتلون ۽ پئسا ورتا ويا. والد جو چوڻ هو ته کين ٻار جي ويجھو ئي اچڻ نه ڏنو ويندو هو، ويڊيو ۾ واضح ڏسي سگھجي ٿو ته ٻارڙي جو پيءُ ۽ شهري ڊاڪٽرن کان پڇا ڪري رهيا آهن، سوشل ميڊيا تي وائرل ٿيل وڊيو ۾ ڊاڪٽر وارثن ۽ شهرين کي خاموش رهڻ لاءِ منٿون ڪري رهيا آهن، ويڊيو ڪهڙي اسپتال جي آهي؟ اهو معلوم ٿي ناهي سگھيو.
