سيالڪوٽ (م ڊ) دفاع واري وزير خواجا آصف چيو آهي ته نومبر مهينو سياسي طور تي فيصلائتو ثابت ٿيندو. سيالڪوٽ ۾ پريس ڪانفرنس ڪندي خواجا آصف چيو ته عمران خان جو اصل چهرو عوام سامهون اچي چڪو آهي، انهن جي غلط فهمي ڏينهن ۾ ختم ٿي ويندي. هن چيو ته ايندڙ مهينو سياست جي حوالي سان تمام گهڻو اهم آهي، نومبر جو مهينو سياسي طور تي فيصلائتو ثابت ٿيندو، آئين آرمي چيف جي مقرري جو اختيار وزيراعظم کي ڏنو آهي، عمران خان جي ذهن ۾ آيو ته آرمي چيف جي مقرري سياستدانن جو حصو آهي، سياستدان آرمي چيف جي مقرري ڪندا ته ڇا بچندو؟ هن چيو ته فوج بچاءَ واري وزارت ذريعي نالا موڪليندي، وزيراعظم جو اختيار آيه ته آرمي چيف مقرر ڪري، عمران خان قومي اسيمبلي ڪارڪن ئي ناهي ته ڪيئن جو صلاح ڏئي؟ سڄي عمل ۾ اڻڄاتل عمران خان جو ڪو ڪردار ناهي. خواجا آصف چيو ته عمران خان وٽ ڪجهه ناهي بچيو، هو ڪيترن ئي هفتن کان اسٽيبلشمينٽ کي ٽارگيٽ ڪري رهيو آهي، عمران خان جي بيان تي ڀارت ۾ ٽاڪڙو پئجي ويو آهي، پي ٽي آءِ جو هڪ صاحب ڀارتي چئنل تي ڳالهائي به نه سگهيو، انهن جي بيانن جو حوالو ڏئي ڀارت 3 ڏينهن کان پروپئگنڊا ڪري رهيو آهي، عمران خان ڀارت کي موقعو فراهم ڪيو آهي، کيس ڪير استعمال ڪري رهيو آهي؟ دفاع واري وزير چيو ته هن ٻاهرين سازش ۾ اڄ تائين آمريڪا جو نالو نه کنيو، کيس جرئت ناهي ته نالو کڻي، ڀارت جي هٿن ۾ کيڏي رهيو آهي ۽ سياسي مفادن لاءِ شهادت کي ايشو بڻائي رهيو آهي، هن چيو هو 20 لک ماڻهو آڻيندس پر 10 12 هزار ماڻهن سان گڏ لاهور مان نڪتو مريدڪي تائين عوام ساڍا 3 هزار وڃي بچيو آهي.
