پنجاب جي وڏي وزير جي خاص معاون فردوس عاشق اعواڻ چيو ته صوبائي حڪومت جي ملي ڀڳت سان سنڌ جا جاگيردار پاڻي چوري ڪن ٿا. خاص معاون فردوس عاشق اعواڻ چيو ته پنجاب ۾ 8 سيڪڙو پاڻي ضايع ٿيندو آهي جڏهن ته 39 سيڪڙو پاڻي سنڌ ۾ ضايع ٿيندو آهي. ٻئي طرف پنجاب جي آبپاشي جي وزير محسن لغاري پاڻي جي ماپ جي لاءِ غير جانبدار امپائر جي تقرري جو مطالبو ڪيو آهي. هن چيو ته پنجاب ۾ پاڻي جي داخل ٿيڻ ۽ نڪرڻ جي پوائنٽن تي مانيٽرز مقرر ڪيا وڃن جن ۾ هڪ پنجاب ، هڪ سنڌ ۽ هڪ غير جانبدار نمائندو شامل ھجي.
