ٽنڊوالھيار بي سيڪشن ٿاڻي جي حد پيرڪاٺي اسٽاپ ويجھو ڪيلي جي باغ مان بدفعلي بعد بي دردي سان قتل ٿيل 13 ورهين جي ڇهين ڪلاس جي شاگرد نريش ولد ريوو ڀيل جا قاتل 6 ڏينهن گزرڻ باوجود پوليس هٿ نه ڪري سگهي آهي
ٽنڊي الهيار جي سول سوسائٽي جي ڏنل سڏ جي حمايت ۾ وڪيل برادري، صحافي برادري کانسواءِ سياسي سماجي تنظيمن جي سوين ماڻھن نينگر نريش ڀيل جي قاتلن جي گرفتاري لاءِ احتجاج ڪري ڌرڻو هنيو
ان موقعي تي وقار بوزدار، وڪيل منصور حيدرجروار، شوڪت جروار، وهاب ڪيريو، حسن لغاري ۽ ٻين ان موقعي تي چيو ته ٽنڊي الهيار جي غريب نينگر نريش ڪمار سان بدفعلي ڪري قتل ڪندڙ جوابدارن کي پوليس گرفتار ڪرڻ ۾ ناڪام ٿي آهي
هنن چيو ته سموري ضلعي جو عوام نينگر نريش جي خاندان سان هن ڏک جي گهڙي ۾ گڏ بيٺل آهي جڏهن ته ٽنڊوالهيار پوليس 6 ڏينهن گزرڻ باوجود نينگر جا قاتل نه هٿ ڪري سگهي آهي
هنن مطالبو ڪيو ته فوري طور قاتل گرفتار ڪري نريش ڪمار جي وارثن کي انصاف فراهم ڪيو وڃي
هي به پڙهندا
نينگري کي اغوا ڪري زيادتي ڪندڙ جوابدار گرفتار، ڇرڪائيندڙ انڪشاف