ملير: قديم سنڌي وسندي خاصخيلي ڳوٺ کي ڊاهڻ، عورتن ۽ ٻارڙن تي مبينا تشدد خلاف متاثرن ڌرڻو هنيو آهي، جنهن دوران مامري جي اڻڌري جاچ جو پڻ مطالبو ڪيو ويو آهي
سنڌي وسندي جي رهواسين احتجاج ڪندي نعريبازي ڪئي ۽ الزام هنيو ته روينيو، اينٽي انڪروچمينٽ عملدارن ۽ ٻين قديمي ڳوٺ تي چڙهائي ڪري گهر ڊاهي پٽ ڪيا آهن
هنن چيو ته عورت ۽ ٻارڙن تي تشدد ڪيو ويو آهي، گهرن مان سامان به کڻڻ نه ڏنو ويو، سنڌ حڪومت، چيف جسٽس آف پاڪستان ۽ ٻيا نوٽيس وٺن
متاثرن مطالبو ڪيو آهي ته بي گهر ڪندڙ ادارن خلاف ڪارروائي ڪري عورتن ۽ ٻارڙن تي وحشياڻو تشدد ڪندڙن خلاف ڪارروائي ڪئي وڃي
