ڪراچي (ڪامرس ڊيسڪ) سون جي اوچتو وڏي اڏام، في تولي ۾ 5600 رپيا اضافو: ڊالر 300 رپين تي بيٺل: اسٽاڪ مارڪيت ۾ مندي جاري ان ڏس ۾ ڪراچي جي صرافه بازار ۾ سون 5600 رپيا واڌ سان 209400 مان 215000 رپيا في تولو ٿي ويو
جڏهن ته عالمي مارڪيٽ ۾ اگهه 15 ڊالرن جي لاٿ سان 1911 ڊالر في تي پهتو، ٻئي طرف چاندي 50 رپيا واڌ سان 2850 مان 2900 رپيا ٿي وئي، هوڏانهن ڊالر اوپن مارڪيٽ ۾ 300 تي بيٺل رهيو
جڏهن ته انٽر بينڪ ۾ 20 ڏينهن جي عرصي ۾ پهريون ڀيرو 1.27 رپين جي لاٿ سان 299.89 رپيا ٿي ويو، ٻئي پاسي پائونڊ 4 رپيا لاٿ سان 379 مان 375 ۽ يورو 2 رپيا گهٽتائي سان 324 مان 322 رپين تي بند ٿيا
ڪالهه ڪراچي ۾ ڊالر 297 ، پائونڊ 370، يورو 316. سعودي ريال 79 ۽ امارتي درهم 82 رپين ۾ وڪرو ٿيا، ٻئي طرف اسٽاڪ مارڪيٽ ۾ مندي ڇانيل رهي، 100 انڊيڪس 357 پوائنٽن جي لاٿ سان 45508 پوائنٽن تي بند ٿي
