ڪراچي: سنڌ حڪومت سنڌ اسيمبلي ۾ اپوزيشن جي گوڙ دوران مالي سال 23-2022ع جِي 1700 ارب رُپين جِي ماليت واري ٽئڪس فري بجيٽ پيش ڪري ڇڏي
وڏي وزير مراد علي شاهه جي بجيٽ تقرير دوران اپوزيشن ميمبرز گوڙ ڪندا رهيا، اپوزيشن ميمبرز لوٽن کي نيڪالي ڏيڻ جي حوالي سان نعرا پڻ هڻندا رهيا
33 ارب رُپين جي خساري واري بجيٽ ۾ حڪومتي خرچن لاءِ 147 ارب رُپيا رکيا ويا، مجموعي اوڳاڙين جو ڪاٿو 1.68 کرب رُپيا لڳايو ويو
بجيٽ ۾ مجموعي ترقياتي خرچن ڪاٿو 460 ارب رُپيا لڳايو ويو، صوبائي سالياني ترقياتي پروگرام لاءِ 332 ارب رُپيا رکڻ جي سفارش ڪئي وئي آهي
سنڌ جي سال 23-2022 جي بجيٽ ۾ ضلعي ترقياتي بجيٽ لاءِ 30 ارب رُپيا مخصوص ڪيا ويا آهن
سنڌ بجيٽ 23-2022 جي اهم نقطه
غريبن جي سماجي تحفظ ۽ اقتصادي استحڪام لاءِ 26.85 ارب رپين جو پيڪيج، هارين کي ٻج، کاڌ ۽ جيت مار دوائن لاءِ 3000 ملين روپين جي سبسڊي
بينظير وومين ايگريڪلچرل ورڪرز پروگرام 500 ملين رپين سان شروع، معذور ماڻهن لاءِ 250 ملين جا فنڊز جاري
شاگرد ۽ پوزيشن هولڊرز لاءِ اسڪالر شپ لاءِ 1200 ملين رپيا مختص
نائين ۽ ٻارهين درجي جي رجسٽريشن ۽ سالياني امتحاني فيس لاءِ 2000 ملين مختص
صحت، زراعت ۽ تعليم لاءِ ڊجيٽل پليٽ فارم جي ترقي لاءِ 500 ملين رپيا مختص
ٽيڪنالوجي پارڪ ۾ 1000 ملين رپيا جي ايڪويٽي سيڙپڪاري، SEDF ذريعي سنڌ انٽرپرائيز ڊولپمينٽ فنڊ
عالمي ٽيڪ پليئرز جي سهڪار سان نوجوانن لاءِ 100 ملين رپين جو ڊجيٽل اسڪلز ٽريننگ پروگرام
سيڙپڪاري: 100 ملين رپين ذريعي سيڪٽر جي مخصوص انڪيوبيٽرز ۽ ايڪسلريٽرز جو قيام
سنڌ ۾ غريبن لاءِ هائوسنگ يونٽس جي قيام لاءِ 2000 ملين رپيا مختص
لائيو اسٽاڪ ۽ فشريز: غريب گھراڻن کي جانورن جي فراهمي لاءِ 500 ملين رپيا مختص
لائيو اسٽاڪ اينڊ فشريز: 500 ملين رپيا سنڌ لائيو اسٽاڪ اينڊ فشريز انٽر پرائز ڊولپمينٽ لاءِ مختص
سماجي ڀلائي: 100 ملين رپيا يتيم خانن جي سڌارن ۽ قيام لاءِ مختص
سنڌ ۾ اولڊ ايج هومز جي اصلاح لاءِ 100 ملين رپيا مختص
پيپلز سپورٽ پرگرام لاءِ 15000 ملين رپيا مختص
ھي به پڙھندا