اسڪولن جي حالت رڳو سنڌ ۾ خراب ناهي پر ملڪ جي ٻين شهرن ۾ به اسڪولن جي حالت ساڳئي ٿي لڳي، سوشل ميڊيا تي هڪ اسڪول جي وڊيو وائرل ٿي آهي جنهن بابت ڄاڻايو ويو آهي ته اها وڊيو اسلام آباد جي سرڪاري اسڪول ماڊل اسڪول فار گرلز آءِ نائن فور جي آهي، وڊيو ۾ هڪ شاگردياڻي ڪلاس روم ۾ ٻهارو ڏئي صفائي ڪندي نظر اچي رهي آهي، آمنه علي وڊيو شيئر ڪندي تعليم واري وزير شفقت محمود کي مينش ڪندي لکيو ويو ته هن اسڪول جا هي منظر اوهان به ڏسو.
