چپ ويهنداسين، اوهان جي سوچ آهي: عادل راجا جي الزامن تي اداڪارائن جو شديد رد عمل

ميجر (ر) عادل راجا جي اڻوڻندڙ الزامن تي پاڪستاني اداڪاره ڪبريٰ خان شديد رد عمل جو اظهار ڪندي ڪيس داخل ڪرڻ جي حوالي سان خبردار ڪري ڇڏيو آهي

تازو ئي عادل راجا سوشل ميڊيا تي جاري وي لاگ ۾ پاڪستان جي ٽاپ ماڊلز ۽ اداڪارائن تي سنگين الزام عائد ڪيا هئا ۽ ذريعن جي حوالي سان دعويٰ ڪئي هئي ته هڪ اداري وٽ انهن ماڊلز ۽ اداڪارائن جون اڻوڻندڙ وڊيوز به موجود آهن

عادل راجا پنهنجي وي لاگ ۾ اداڪارائن جا نالا کڻڻ بنا انهن جي نالن جي شروعات وارا لفظ ٻڌايا هئا، جن ۾ ايم ايڇ، ايم ڪي، ڪي ڪي، ايس اي شامل هئا

ان کانپوءِ پاڪستاني اداڪارائن جي طرفان ميجر (ر) عادل راجا جي الزامن تي شديد رد عمل جو اظهار ڏسڻ ۾ آيو آهي، اداڪاره ڪبريٰ خان انسٽاگرام اسٽوري شيئر ڪئي، جنهن ۾ لکيل هو ته مان شروع ۾ خاموش رهيس، ڇو ته هڪ فيڪ وڊيو منهنجي وجود کي نٿي مٽائي سگهي پر هاڻ بس گهڻو ٿي ويو آهي، اوهان کي لڳ ٿو ته ڪو به شخص مون تي ايئن آڱر کڻندو ۽ مان چپ ويهنديس ته اوهان جي پنهنجي سوچ آهي، بهر الحال مسٽر عادل راجا جڏهن اوهان ڪنهن انسان تي الزام لڳايو ته پهرين اوهان وٽ ثبوت هجڻ گهرجي

ڪبريٰ خان پنهنجي اسٽوري ۾ لکيو ته اوهان وٽ ثبوت سامهون آڻڻ جي لاءِ صرف 3 ڏينهن آهن، جس جي لاءِ اوهان حق ۽ سچ جي دعويٰ ڪئي آهي، جيڪڏهن ته ايئن نه ڪيو ته اوهان پنهنجو بيان واپس وٺو ۽ عوام جي سامهون معافي وٺو، نه ته اوهان جي خلاف ڪيس ڪنديس ۽ مان صرف پاڪستاني ئي نه پر برطانوي شهري به آهيان ۽ مان اتي به توهان جو پيڇو ڪنديس ۽ آئون سچ تي آهيان، مان ڪنهن کان نٿي ڊڄان

 

Sasti shohrat haasil karne k liye kuch logue insaaniat k darjay se bhi girjatay hain . Hope you’re enjoying your two mins of fame. Just because I am an actress doesn’t mean my name can be dragged through the mud.
Shame on you for spreading baseless allegations and 1/2

— Mehwish Hayat TI (@MehwishHayat) January 2, 2023

ٻئي پاسي عادل راجا  جا الزام سامهون اچڻ تي مهوش حيات به ٽوئٽ ۾ لکيو آهي ته سستي شهريت حاصل ڪرڻ جي لاءِ ڪجهه ماڻهو انسانيت جي درجي کان به ڪري پوندا آهن ۽ اميد آهي ته اوهان پنهنجي 2 منٽن جي شهرت کان لطف اندوز ٿيا هوندا، ڇو ته مان اداڪارا آهيان، ان جو اهو مطلب ناهي ته منهنجو نالو مٽيءَ ۾ ملائي ڇڏيو، اوهان کي پنهنجي بي بنياد الزامن تي شرم اچڻ گهرجي

 

It is very sad that our country is becoming morally debased and ugly; character assassination is the worst form of humanity and sin.

— Sajal Ali (@Iamsajalali) January 2, 2023

ٻئي پاسي سجل علي غير تصديق ٿيل اڪائونٽ سان ٽوئٽ ڪيو ته افسوسناڪ آهي ته اسان جو ملڪ اخلاقي طور تي پستي جي طرف ۽ خراب ٿيندو پيو وڃي، ڪردار ڪشي انسانيت جو بدترين چڪرو ۽ گناهه آهي