پاڪستان جي نالي واري ڪاميڊين ڪوڊو جي طبعيت خراب ٿيڻ تي لاھور جي ھڪ نجي اسپتال ۾ داخل ڪيو ويو آھي. ڪاميڊين جاويد ڪوڊو جي پٽ طيب جاويد موجب سندس پيءُ کي گذريل رات پيٽ ۾ سور سبب مغلپورھ لاھور ۾ قائم ھڪ نجي اسپتال ۾ داخل ڪرايو ويو آھي جتي ڊاڪٽرن جاويد ڪوڊو جي انڊوسڪوپي ڪئي آھي. طيب جاويد موجب ڊاڪٽرن کي شڪ آھي ان جاويد ڪوڊو کي السر آھي. جاويد ڪوڊو جي گھروارن سندس چاھيندڙن کي جلد صحتيابي جي لاءِ دعائن جي اپيل ڪئي آھي.
