ڪراچي: شهيد بينظير ڀٽو ۽ آصف زرداري جي نياڻي بختاور ڀٽو پنهنجي نئين ڄاول پٽ سوڌو اسپتال مان گهر منتقل ٿي وئي آهي. بختاور پنهنجي پٽ مير حاڪم علي چوڌري سان گڏ اسپتال مان ڊسچارج ٿي گهر پهتي آهي.
بختاور پنهنجي هڪ ٽويٽ ۾ پٽ جي پيدائش تي واڌايون ۽ دعائون ڏيندڙ ۽ نيڪ خواهشن جو اظهار ڪندڙ سمورن ماڻهن جا ٿورا به مڃيا آهن. پنهنجي ٽويٽ ۾ بختاور تصديق ڪندي چيو ته اسان کي 17 آڪٽوبر تي اسپتال مان ڊسچارج ڪيو ويو هو.
We were discharged from hospital on Oct 17th & finally home settling in with our baby boy 💙 🤲 الحمد لله #MirHakimMahmoodChoudhry – thank you for all your messages, love and prayers 🥰
— Bakhtawar B-Zardari (@BakhtawarBZ) October 19, 2021
بختاور ڀٽو زرداري ۽ سندس مڙس محمود چوڌري جي گهر 10 اڪٽوبر تي پٽ جي پيدائش ٿي هئي، جنهن جو نالو مير حاڪم محمود چوڌري رکيو ويو. بختاور جو چوڻ آهي ته هن پنهنجي پٽ جو نالو پنهنجي مامي مير مرتضيٰ ڀٽو، ڏاڏي حاڪم علي زرداري ۽ سهري محمود چوڌري جي نالي تي رکيو آهي.
ھي به پڙھندا
