ايراني صدر ابراهيم رئيسي ڪراچي پهچڻ بعد مزارِ قائد تي حاضري ڀري، گورنر ۽ وڏي وزير سوڌو ڪابينا ميمبرز ايراني صدر سان گڏ هئا
ايراني صدر قائد اعظم جي مزار تي گُل رکيا ۽ فاتحه پڙهي، ابراهيم رئيسي وفد سوڌو وزيراعليٰ هائوس پهتو
وڏي وزير مراد علي شاهه ۽ ڪابينا ميمبرز سندس ڀليڪار ڪيو، ايراني صدر ڪراچي ۾ بزنس فورم جي ميمبرز سان ملاقات ڪندو
ڪراچي يونيورسٽي پاران کيس اعزازي ڊاڪٽريٽ سان نوازيو ويندو، ايراني صدر ڪراچي ۾ رات گذارڻ بعد صبح جو واپس روانو ٿيندو
ايراني صدر جي آمد جي موقعي تي ڪراچي ۾ سيڪيورٽي جا سخت انتظام، پوليس ۽ رينجرز جا دستا مقرر، شهر جي ٽن وڏين شاهراهن کي بند ڪيو ويو
اسرائيل خلاف جنگ ۾ فلسطيني ڪامياب ٿيندا: ايراني صدر
ايران جي صدر ابراهيم رئيسي لاهور جي دوري دوران چيو ته اسرائيل خلاف جنگ ۾ فلسطيني ڪامياب ٿيندا، غزه جي معاملي تي پاڪستان جي اصولي موقف جي واکاڻ ڪيون ٿا، پاڪستان ۾ عوامي جلسو ڪرڻ جي خواهش هئي، پاڪستان جو عوام جذباتي ۽ مذهبي آهي، پاڪ ايران دوستي هماليه پهاڙ کان به اوچي آهي
ايراني صدر جي لاهور پهچڻ تي پنجاب جي وزيراعليٰ مريم نواز ۽ ٻين سندس پرجوش آجيان ڪئي، ايراني صدر ابراهيم رئيسي مزار اقبال تي حاضري ڀري گلن جي چادر به چاڙهي