وفاقي گهرو وزير محسن نقوي چيو آهي ته شهيدن جون عظيم قربانيون رائگان نه وينديون، مير علي ۾ دهشتگردن سان دليراڻي ويڙهه دوران شهيد ٿيل ليفٽيننٽ ڪرنل ڪاشف علي ۽ ڪئپٽن محمد احمد سميت 7جوان قوم جا هيرو آهن
هن چيو ته پاڪستاني قوم پنهنجي بهادر سپوتن کي سلام پيش ڪري ٿي، پاڪ فوج جي آفيسرن ۽ جوانن پنهنجي جانين جا نذرانا ڏئي دهشتگردن جي ناپاڪ ارادن کي ناڪام بڻايو
محسن نقوي چيو ته پاڪ فوج جي آفيسرن ۽ جوانن پنهنجي رت سان دهشتگردي خلاف جنگ ۾ تاريخ رقم ڪئي، شهيد اسان جو فخر آهن ۽ شهيدن جون عظيم قربانيون ضايع نه ٿينديون